لما تحوّلي الزحمة لحكاية مصوّرة

أنا مش دايمًا بلحق أصوّر كل لحظة، بس لما بلحق، بحب الصورة تطلع حكاية. مش مجرد لقطة وخلاص، لأ… لحظة فيها بنتي وهي بتضحك أول ضحكة، أو ابني وهو بيركّب مكعباته، أو إحنا كلنا في المطبخ بعد يوم طويل. بس المشكلة دايمًا كانت في شكل الصور. عندي كام صورة جنب بعض، وكل واحدة فيهم لوحدها مش بتوصل الإحساس. عايزة أجمّعهم، أضيف لمسة، ترتيب، كلمة صغيرة. وده بالضبط اللي خلانيأحس إن التطبيق ده هييخليني أعمل كولاج بسهولة، من غير تعقيد. وده طبعا لما جه دور تطبيق Collage Maker. في الكتابة أول حاجة شدتني فيه كانت بساطته. مفيهوش فزلكة، ولا خطوات مرهقة. بفتح التطبيق، بختار الصور، وهو يقترح عليّ ترتيبات وتصميمات، وكل واحدة فيهم تحسيها بتحكي حاجة مختلفة. في نص ساعة هتعملي كولاج لرحلتك الأخيرة، بصورة ليكي أنتي وولادك، مع شوية كلمات على الجنب، كأنه مفكرة مصوّرة. ومن يومها، هتبقي كل شوية تعملي كولاج لصور من يومك، وهتحتفظي بيهم، أو تطبعهم وتعلّقهم على التلاجة. هيبقى الموضوع طريقة بسيطة تحتفلي بيها بتفاصيلنا الصغيرة.

مش بس صور… دي لحظات متجمّعة في إطار

في الأول كنت فاكرة إن Collage Maker هيبقى بس للصور العادية، بس لما غوصت فيه أكتر، اكتشفت إنه بيديكي أدوات تخلي بيها الصورة تحكي أكتر من اللي ظاهر فيها. تقدري تختاري تخطيطات متعددة: مربعات، قلوب، دوائر، وأحيانًا تصميمات شكلها احترافي جدًا، كأنك بتستخدمي برنامج تصميم فعلي. تقدري تكتبي تعليق صغير على كل صورة، تضيفي خلفية مناسبة، تغيري الخط، تظبطي الألوان، وكل ده بإيدك ومن غير ما تحتاجي تكوني مصممة. أنا مثلاً لو جيت أعمل كولاج لصورة حفلة القرآن بتاعت بنتي، وحطيت فيه صور من الزينة،  والكب كيك اللي أنا عملته في آخر الليل. وكمان اشاركه على السوشيال ميديا، الكل هيفتكر إن مصمم عملهولي. بس الحقيقة؟ كله من الموبايل وأنا هبقى قاعدة على الأرض بلملم الهدايا. وعشان أنا بحب التفاصيل، بقيت مبسوطة إن فيه استيكرز بسيطة تضيفيها، أو فلاتر تخلي الصور تحكي مزاج اليوم، سواء كان يوم عائلي دافيء أو خروجة مفاجئة. بجد، التطبيق ده مش بس بيجمع صور… بيجمّعك إنتِ وكل لحظة ليكي.

لما المحتوى يبقى بصورك… بشكل يليق بيك

بما إني بكتب محتوى، بحتاج دايمًا صور تعبر عن الفكرة. ولما الصور دي تكون من حياتي الحقيقية، بتكون أقوى بكتير. بس إزاي أخلّي الصور شكلها شيك، ومتناسقة، وتوصل اللي عايزة أقوله؟ هنا بييجي دور Collage Maker. ساعات ممكن اعمل كولاج عن فكرة “الروتين اليومي”، فهختار صور للغسيل، الطبخ، الشغل، ولعب العيال… وأرتبهم بطريقة بتوضح إن كله بيحصل في نفس الوقت. أو مثلاً لما أكون بحضر فيديو، هستخدم التطبيق أعمل كولاج بصري من مراحل الشرح، وأرفقه كمرفق بصري جذاب. كمان هيساعدني أحتفظ بلحظات محتوى مرّت عليا، زي ما أكون بوثّق يومي بشكل فني. الحاجة التانية اللي هحبها فيه إن شاء الله إنك تقدري تحفظي التصميم بجودة عالية جدًا، سواء لاستخدام شخصي أو للنشر. والأهم؟ إنه سهل جدًا، فأنا مش مضطرة أضيع وقت طويل أشرح أو أتعلّم. مجرد لمسات، وكل حاجة بتتظبط. هحس إنه أداة مريحة لأي حد بيحب يوصل حاجة، سواء أم بتوثق لحظات ولادها، أو صانعة محتوى بتشتغل من البيت، أو حتى طالبة بتحب ترتّب صور مشروعها.

العيوب؟ بسيطة بس مهم تكوني عارفاها

زي أي تطبيق، فيه شوية حاجات تمنيت لو كانت أحسن. مثلًا، بعض القوالب بتكون محجوزة للنسخة المدفوعة، وبيبقى فيه علامة مائية صغيرة في النسخة المجانية، خاصة لو التصميم معقد. وكمان أوقات بيكون فيه إعلانات في النص، مش مزعجة أوي، بس لو مستعجلة ممكن تحسيها بتعطلك. كمان، التعديل اليدوي على المقاسات ممكن ياخد شوية وقت، خاصة لو بتحاولي تحط صور بأبعاد مختلفة جدًا في نفس الكولاج. أتمنى كمان يضيفوا خاصية تعديل تلقائي للصور القديمة، علشان الصور اللي مش واضحة أو فيها إضاءة ضعيفة تبقى أحسن من غير ما أحتاج أستخدم تطبيق تاني. ومع ذلك، دي كلها حاجات بسيطة، مش هتقف بيني وبين إني أستخدمه كل يوم تقريبًا. لأن الأساس فيه قوي: سهل، سريع، وبيطلع نتيجة جميلة. ودي أهم حاجة في أي تطبيق بنعتمد عليه وسط دوشة اليوم.