لما الخصوصية تبقى رفاهية

أنا بشتغل كاتبة محتوى، وشغلي كله تقريبًا على اللاب. بس الموبايل بالنسبالي مش بس جهاز شغل… هو أداة لإنقاذ يومي. خصوصًا لما تبقي أم لثلاث أطفال: ولد عنده 8 سنين، وبنت عندها 7، ورضيعة بتصحي على أي نفس. ومع وسط كل ده، بتحاولي تكتبي مقال في ميعاد التسليم، والعيال بيجروا حواليكي، والبيت مقلوب، والمدير بيزن وبيقولك “عايز المقال النهارده ضروري”. يعني حتى كلمة ضغط قليلة.

أنا في العادي بستحمل، بس اللي حصل معايا مؤخرًا خلاني أقول “كده كتير”.

كنت سايبة اللاب على الكنبة، بكتب فيه مقالي الجديد، وجه ابني بكل براءة مسك اللاب، وبدأ يدوّر على لعبة. فجأة، لقيته ضغط على حاجة، وكل اللي كنت كاتباه اختفى. حاولت أرجع، ملقتش حاجة. ساعتها وقفت مكاني… حرفيًا. قلبي وقع. مش عشان الولد غلط، لكن علشان حسيت إن شغلي كله متعرّض للخطر، ومفيش أي حماية حقيقية، ده هيخليني أأمن نفسي على موبايلي لإني ساعات بشتغل منه، لحد ما يخترعوا حاجه تحمي اللاب زي التطبيق اللي هنتكلم عنه انهارده.

لو بتدور على حل… مش سوبر مان

لو ما كنتش بتدور على تطبيق معجزة. وعايز بس تعرف مين لمس الموبايل، وإمتى، ولو في محاولة لفتحه من ورا ضهرك. ودخلت على Google Play، وكتبت “مين لمس تليفوني”… ولقيت قدامك تطبيق اسمه AntiLost – WTMP.

الاسم هيشدك… هتحس إنه بيقول “أنا موجود علشان أمنع الضياع”. لو دخلت على التقييمات، ولقيت ناس كتير بيقولوا إن التطبيق بيصور أي حد يلمس الموبايل، أو يحاول يفتحه. وناس تانية بتقول إنه بيعمل صوت تنبيه لو الموبايل اتشال من مكانه.

هتقول: “ده اللي أنا محتاجاه”. وهتحمله فورًا.

أول تجربة…

أول ما هتفعلي الإعدادات، وتدّيله صلاحيات الكاميرا، والبيانات، وتبدأي تختبريه. وتفعّلي وضع “كشف الحركة”، وخليته يشتغل في الخلفية. وبعد ساعتين وأنتي في المطبخ، لقيتيه بيدي إشعار بيقول: “تم التقاط صورة”. هتفتحي التطبيق… وهتلاقي صورة للي لمسة!

مثلا بنتك كانت بتحاول تفتح التليفون علشان تشوف صورها، والتطبيق صورها أول ما لمست الشاشة. هتضحكي، بس في نفس الوقت هتحسي براحة… هتقولي أخيرًا بقيت أعرف مين بيلمّس الموبايل وإمتى.

كل يوم بيأكدلك إنه  اختيار صح

جربي تستخدميه أكتر من أسبوعين استخدمي التطبيق، وكل يوم هتلاقيه بيأكدلك إنه اختيار كويس، حتى لو بسيط. لما تكوني في مشوار وسايبة الموبايل في الشنطة، فعّلي الوضع اللي بيصدر صوت لو التليفون اتشال. لما تكوني نايمة والتليفون بيشحن، حطي التنبيه اللي بيزمر لو حد شاله من الشحن.

مبقاش في مجال للتخمين. هتعرف كل حاجة بتحصل، خصوصًا في بيت فيه 3 عيال وكل واحد فيهم فضولي بطريقته.

إيه اللي هيخليكي تكملي عليه؟

• أول حاجة إنه بيشتغل في الخلفية ومش بيستهلك موارد كتير

• بيصور أي حد يحاول يفتح الموبايل من غير ما يحس

• بيرن بصوت عالي لو حد شال الموبايل، حتى لو الشاشة مقفولة

• لو حد شال الشاحن، بيعمل تنبيه بردو

• بيخزن الصور بمحاولات الفتح، وبيظهر التاريخ والوقت

وأكتر حاجة هتريحك إنه بيشتغل من غير ما تضطري تراقبي. مجرد ما تفعّليه، خلاص… هو شغال لوحده.

بس… هو مش مثالي

لازم أكون صريحة، في شوية عيوب. زي مثلًا:

• التطبيق مفيهوش ميزة حفظ تلقائي للصور على الكلاود، فلو مسحتي الصور بالغلط… راحت

• لو النور في الغرفة ضعيف، الصورة ممكن تطلع مش واضحة

• مش دايمًا الصوت بيشتغل فورًا، خصوصًا في بعض الموبايلات اللي فيها قيود على التطبيقات في الخلفية

• مفيش إمكانية تشاركي المحاولات أو تبعتيها بالإيميل بسهولة

• والتطبيق مبيفهمش لو حد دخل البصمة مثلاً… لازم تكون محاولة فاشلة في الباسورد أو لمس مباشر

يعني هو مش أداة أمان متكاملة، بس بيديك فكرة مبدئية… وده في حد ذاته هيفرق معاك.

الناس بتقول إيه عليه؟

لو دخلت تشوف تقييمات الناس على Google Play، علشان تتأكد إنك مش الوحيد اللي شايف قيمته. هتلاقي ناس كتير بتقول نفس اللي حسّيته: “بسيط… بس مفيد جدًا”. في حد كتب: “أخيرًا عرفت مين بيلمس تليفوني لما أكون مش موجود”، وناس كتير شكرت في خاصية التصوير التلقائي.

بس كمان، هتلاقي ناس بتقول إنه محتاج يتطوّر أكتر، خصوصًا من ناحية الحفظ والمشاركة. ناس اقترحت يبقى فيه مزامنة مع Google Drive أو Dropbox. يعني في ناس كانت نفسها يشوفوا فيه ذكاء أكتر، وده منطقي.

كلمة أخيرة لأي حد بيفكّر يجربه

لو بتدور على طريقة تحمي موبايلك من غير ما تتعقّد، ولو نفسك تعرف مين بيلعب فيه، ومين حاول يفتحه… يبقى لازم تجرب AntiLost – WTMP. مش علشان هو عبقري، لكن علشان هو بسيط، وسايبلك القرار.

ميزة سجل الحركات قلبت الدنيا

الميزة اللي هتفرق معاك فعلًا هتبقى سجل الفتحات الفاشلة للتليفون، يعني بيقولك كام مرة حد حاول يدخل الباسورد وغلط. لو انت نايمة. هتقومي مفزوعة… وهنا هتقرري تزودي باسورد تاني وحماية أكتر. كل ده بسبب تحذير بسيط من التطبيق.

ليه تطبيق AntiLost – WTMP لازم يبقي أساسي عندك؟

دلوقتي بعد ما تجربيه، هتنصحي بيه كل حد تعرفيه. مش بس عشان السرقة، لأ، كمان عشان أي حد بيقرب من تليفونك من غير ما تعرف. خصوصًا البنات، التطبيق ده بإذن الله بيحميكي حتى وإنتي مش حاسة. إنتي مش محتاجة تبقي مخترقة، إنتي بس محتاجة AntiLost – WTMP.